Nau Mprơ Ơm 22:31 - Nau Brah Ndu Ngơi 2023

³¹ Noi deh nây mra mbơh nau sŏng srăng Păng; Nkoch tay ma rơh kăndơ̆ pô aơ Brah Yêhôva hŏ ƀư jêh nau nây.

Nau Mprơ Ơm 22:31 ပူးပေါင်းရင်းမြစ်များ

Nau Mprơ Ơm 102:18

Nchih hom nau aơ tât tâm rnôk kăndơ̆, Gay du mpôl băl bunuyh kăndơ̆ mra mprơ tâm rnê ma Brah Yêhôva.

Nau Mprơ Ơm 40:9

Gâp hŏ mbơh jêh nau maak ma nau sŏng srăng May Ta nklang phung tâm rƀŭn âk ngăn, Nanê̆ ngăn, gâp mâu dơi prăp ôh trôm mbung; Ơ Brah Yêhôva, May gĭt nau nây.

Nau Mprơ Ơm 78:6

Gay ma phung kăndơ̆, Nây jêng phung kon sau bu mra deh, gĭt nau nây, Jêh ri tât rơh khân păng, khân păng mra nkoch ma kon sau khân păng,

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.