Nau Mprơ Ơm 22:27 - Nau Brah Ndu Ngơi 2023

²⁷ Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 22:27 ပူးပေါင်းရင်းမြစ်များ

I Nau Rêh Jêng 16:10

Tâm rnê hom ma amoh kloh ueh Păng; Ăn nuih n'hâm phung joi Brah Yêhôva, răm maak hom!

Nau Mprơ Ơm 102:22

Tơlah lĕ rngôch phung ƀon lan tâm rgum Gay yơk mbah ma Brah Yêhôva.

Nau Mprơ Ơm 117:1

Ơ lĕ rngôch bri dak, tâm rnê hom ma Brah Yêhôva; Ơ lĕ rngôch ntil mpôl bunuyh, tâm rnê hom ma Păng!

Nau Mprơ Ơm 2:8

Dăn hom tă bơh Gâp, Gâp mra ăn lĕ bri dak jêng drăp ndơn ma Kon, Jêh ri lam lĕ rplay neh jêng drăp ndơ ma Kon.

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 96:7

Hơi noi deh lĕ mpôl băl bunuyh, mât ton hom ma Brah Yêhôva, Mplơ̆ hom nau chrêk rmah jêh ri nau brah ma Brah Yêhôva.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Nau Kơp Bunuyh 10:32

Tơlah may hăn ndrel ma hên, hên mra pă ma may lĕ rngôch nau ueh Brah Yêhôva mra ăn ma hên.”

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”