Nau Mprơ Ơm 22:21 - Nau Brah Ndu Ngơi 2023

²¹ Kôranh Brah hŏ dơn jêh nau gâp, Rklaih an gâp bơh trôm mbung yau mŭr, Jêh ri nđâp ma nke rpu bri.

Nau Mprơ Ơm 22:21 ပူးပေါင်းရင်းမြစ်များ

Nau Mprơ Ơm 35:17

Ơ Kôranh Brah, ndah jŏ May gŭ uănh nau nây? Dăn tâm rklaih huêng gâp bơh nau khân păng ƀư rai. Jêh ri sŏk lơi nau rêh gâp bơh phung yau mŭr.

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Nau Kơp Bunuyh 23:22

Brah Ndu hŏ njŭn leo phung ƀon lan nây luh bơh n'gor Êjipt; Khân păng geh nau ktang nâm ndrôk bri.

Luka 22:53

Gâp gŭ ăp nar tâm ngih brah ndrel ma khân may, khân may mâu yơr ti nhŭp Gâp ôh. Ƀiălah aơ jêng mông khân may jêh ri nau dơi ktang tâm nau ngo.”

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

Nau Vay Nkah Tay 33:17

Păng geh nau rnam tâm ban ma ndrôk nkuăng păng deh dak bôk, Ma bar đah nke dăng ktang ndrôk bri! Păng dŏng nke nây dong cha lôt lĕ rngôch ntil mpôl bunuyh, Kŏ tât ta phung ƀon lan gŭ dŭt bôl neh ntu; Nây jêng âk rmưn tahan Êphraim, Âk rbăn nuyh Manasê.”

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,