Nau Mprơ Ơm 22:16 - Nau Brah Ndu Ngơi 2023

¹⁶ Yorlah phung so gŭ jŭm gâp, Du phung janh ƀai nchueng jŭm gâp; Khân păng ntâp bluh ti jêh ri jâng gâp.

Nau Mprơ Ơm 22:16 ပူးပေါင်းရင်းမြစ်များ

Nau Mprơ Ơm 22:1

Ơ Brah Ndu gâp! Ơ Brah Ndu gâp! Mâm ƀư May chalơi gâp? Mâm ƀư May gŭ ngai mâu ŭch kơl gâp jêh ri mâu tăng nau gâp nđêng?

Nau Mprơ Ơm 22:20

Dăn rklaih huêng gâp bơh ma đao, Jêh ri nau rêh gâp bơh phung so.

Nau Mprơ Ơm 38:11

Dôl gâp mâp nau mhĭk tât, lĕ noi deh, phung mĭt jiăng du ngai đah gâp, Phung mpôl băl ăt gŭ ngai ma gâp.

Nau Mprơ Ơm 59:14

Kêng mhaơ khân păng plơ̆ sĭt, Mblu tâm ban ma so. Jêh ri hăn ndăch jŭm ƀon.

Nau Mprơ Ơm 59:6

Kêng mhaơ khân păng plơ̆ sĭt Mblu tâm ban ma so. Jêh ri hăn ndăch jŭm ƀon.

Nau Mprơ Ơm 86:14

Ơ Brah Ndu, phung sưr hao tâm rdâng jêh ma gâp, Du phung bunuyh ƀai joi gay ƀư rai ma huêng gâp; Khân păng mâu mĭn ôh May gŭ tanăp khân păng.

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 26:57

Phung hŏ nhŭp Brah Yêsu njŭn leo Păng tât ta ngih kôranh ƀư brah toyh lơn, Y-Kaipe, ntŭk nây phung kôranh nchih samƀŭt jêh ri phung bu ranh dôl tâm rƀŭn.

Mathay 27:35

Pakơi nôk hŏ pâng kđĭn ma Păng ta si tâm rkăng, khân păng nchroh n'hôr tâm pă kho ao Păng ma khân păng.

Mathay 7:6

“Lơi ăn ndơ kloh ma so ôh, mâu lĕ mƀăr lŭ rmah khlay ma sŭr, klach lah khân păng jot plên tâm dâng jâng, jêh ri plơ̆ kăp hêk khân may.

Markôs 15:24

Nôk pâng Păng ma kđĭn ta si tâm rkăng, khân păng tâm pă kho ao Păng, nchroh n'hôr, gay ŭch gĭt mbu nơm geh.

Luka 23:23

Ƀiălah phung nây lơ hô nter ktang rlau lơn, dăn pâng kđĭn Brah Yêsu ta si tâm rkăng; jêh ri nau khân păng nter ngrông hŏ dơi.

Luka 23:33

Tơlah khân păng tât du ntŭk rnha jêng Ntŭk Nting Bôk, khân păng pâng Brah Yêsu ma kđĭn ta si tâm rkăng ndrel ma bar hê bunuyh tih: du huê pa ma, du huê pa chiau Păng.

Yôhan 19:23

Nôk phung tahan hŏ pâng Brah Yêsu ta si tâm rkăng jêh, khân păng sŏk kho ao Brah Yêsu tâm pă puăn kô̆, ăp nơm sŏk du kô̆. Khân păng sŏk lĕ ao jong Brah Yêsu, ƀiălah ao jong nây jêng du blah bok bu tanh păng knŏng nguay bơh klơ tât tâm dâng, mâu geh trong ndrem jĭm ôh.

Yôhan 19:34

Ƀiălah geh du huê tahan sŏk tak ntâp ta pŭng vĕ Brah Yêsu, mham jêh ri dak luh hoch ro.

Yôhan 19:37

Jêh ri ntop du nau ngơi ƀaƀă tâm Nau Brah Ndu Ngơi: “Khân păng mra saơ bunuyh khân păng hŏ ntâp jêh.”

Yôhan 20:25

Phung oh mon êng lah ma păng: “Hên hŏ saơ jêh Kôranh Brah.” Ƀiălah Y-Thômas lah: “Lah gâp mâu saơ ôh têl kđĭn ta mpang ti Păng, lah gâp mâu lŏk ôh nglau ti gâp ta ntŭk têl kđĭn, jêh ri lah mpang ti gâp mâu bi ta ntŭk pŭng vĕ Păng, gâp mâu mra chroh ôh.”

Yôhan 20:27

Jêh ri Brah Yêsu lah ma Y-Thômas: “Pah hom nglau ti may ta aơ jêh ri uănh mpang ti Gâp. Yơr hom mpang ti may jêh ri pah ta pŭng vĕ Gâp. Lơi ta mâu chroh, ƀiălah chroh hom!”

Philip 3:2

Uănh njrăng hom ma phung so, uănh njrăng hom ma phung pah kan djơh mhĭk, uănh njrăng hom ma phung dơn nau koh ntâu nklă!

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.