Nau Mprơ Ơm 22:15 - Nau Brah Ndu Ngơi 2023

¹⁵ N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 22:15 ပူးပေါင်းရင်းမြစ်များ

Nau Ntơm 18:27

Y-Abraham ngơi tay: “Nđâp tơlah gâp ơm jêng bơh ndruyh neh, ăt janh ngơi đah Kôranh Brah:

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 19:20

Gâp knŏng hôm e ntâu dop đah nting, Jêh ri klaih bơh khĭt đah bar đah mpang ti dơm.

Ndrom Samƀŭt bơh Yôp 29:10

Phung bu yơk gŭ rklăk, Mpiăt khân păng nâm bu krêp lăp tâm trôm mbung jêh.

Ndrom Samƀŭt bơh Yôp 30:16

Aƀaơ ri huêng gâp rŭng răng tâm trôm gâp, Lĕ nar rêh ni nchueng jŭm gâp.

Ndrom Samƀŭt bơh Yôp 34:15

Pôri lĕ rngôch phung nglay săk mra khĭt ndrel, Jêh ri kon bunuyh plơ̆ sĭt ma ndruyh neh.

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 30:9

“Ƀư pling mham gâp, ƀư ma gâp jŭr tâm môch Pôri geh nau khlay lĕ? Ndruyh neh mra tâm rnê May lĕ? Păng mra dơi mbơh nau răp jăp May lĕ?

Nau Mprơ Ơm 38:10

Nuih n'hâm gâp nsâr, nau ktang gâp huêt rhôi jêh; Măt gâp mâu hôm ang đŏng.

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Nau Mprơ Ơm 69:3

Gâp nter, kŏ rgănh, Trô ko gâp lĕ kroh, Măt gâp huănh hươi Dôl kâp Brah Ndu gâp.

Nau Hôr 17:22

Nuih n'hâm hâk răm jêng du ntil dak si ueh, Bi nau rdja nuih ƀư ăn nting sơh kro.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Nau Nhĭm Vơl 4:4

Mpiăt phung kon se jê̆ hôm pu Krêp đah rmlông dơ̆ yor ji hir; Kon se jê̆ dăn piăng let Ƀiălah bu mâu ăn ôh.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Mathay 27:50

Brah Yêsu nter du tong dŭt ktang đŏng, jêh nây tăch n'hâm.

Yôhan 19:28

Jêh nau nây, Brah Yêsu gĭt ma lĕ rngôch kan hŏ lôch jêh, jêh ri gay ma nau ngơi tâm Nau Brah Ndu Ngơi tât di ngăn, Păng lah: “Gâp ji hir.”

I Kôrintô 15:3

Gâp mbơh ma khân may nau dŭt khlay jêng nau gâp nơm sŏk dơn jêh, nây jêng Brah Krist khĭt jêh yor nau tih he tĭng nâm nau nchih jêh tâm Nau Brah Ndu Ngơi.