Nau Mprơ Ơm 22:11 - Nau Brah Ndu Ngơi 2023

¹¹ Lơi ta gŭ ngai đah gâp Yorlah nau rêh ni dăch jêh, Jêh ri mâu geh du huê bunuyh sâm kơl.

Nau Mprơ Ơm 22:11 ပူးပေါင်းရင်းမြစ်များ

II Phung Hađăch 14:26

Yorlah Brah Yêhôva saơ jêh nau rêh ni phung Israel jêng nđêh nji ngăn; mâu hôm om du huê nuyh, nđâp lah dĭk bu mâu lah nau kon me, kŏ mâu geh lĕ nơm kơl sâm rklaih phung Israel.

Nau Mprơ Ơm 10:1

Ơ Brah Yêhôva! Mâm ƀư May gŭ ngai? Mâm ƀư May pôn muh măt tâm rnôk geh nau rêh ni?

Nau Mprơ Ơm 35:22

Ơ Brah Yêhôva! May hŏ saơ jêh nau nây, lơi ta gŭ rklăk ôh. Ơ Kôranh Brah! Lơi ta gŭ ngai đah gâp.

Nau Mprơ Ơm 38:21

Ơ Brah Yêhôva! Lơi ta chalơi gâp. Ơ Brah Ndu gâp! Lơi ta gŭ ngai đah gâp.

Nau Mprơ Ơm 69:18

Dăn Kôranh Brah hăn dăch ta huêng gâp jêh ri tâm chuai gâp, Tâm rklaih gâp, yor phung rlăng gâp.

Nau Mprơ Ơm 71:12

Ơ Brah Ndu! Lơi gŭ ngai đah gâp ôh; Ơ Brah Ndu gâp! Văch kơl gâp gơnh oi.

Nau Mprơ Ơm 71:6

Gâp nsing tâm May ntơm bơh rnôk bu mhe deh ma gâp; May yơh ăn gâp du luh tă bơh ndŭl me. Gâp mra mprơ tâm rnê ma May ƀaƀơ.

Nau Mprơ Ơm 72:12

Yorlah hađăch mra rklaih phung pưt kƀah nôk khân păng kuăl dăn Jêh ri kơl nơm rêh ni mâu geh nơm kơl.

Êsai 63:5

Gâp uănh, mâu geh nơm kơl ôh; Gâp hih rhâl, mâu geh nơm tâm kơl; Rĭ dĭng ti Gâp nơm yơh kơl Gâp, Nau Gâp ji nuih kơl Gâp.

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Mathay 26:72

Ƀiălah Y-Pêtrôs dun tay jêh ri sơm ton pô aơ: “Gâp mâu gĭt năl ôh bunuyh nây.”

Mathay 26:74

Ƀiălah Y-Pêtrôs rak rtăp jêh ri sơm ton pô aơ: “Gâp mâu gĭt bunuyh nây ôh.” Dôl rnôk nây, iăr ndrau.

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.