Nau Mprơ Ơm 21:4 - Nau Brah Ndu Ngơi 2023

⁴ Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 21:4 ပူးပေါင်းရင်းမြစ်များ

I Phung Hađăch 2:33

Mham khân păng mra nkhŭt tay ta klơ bôk Y-Jôap jêh ri ta klơ bôk phung kon sau păng kŏ tât ƀaƀơ n'ho ro. Bi Y-Đavit jêh ri phung kon sau păng, ma nau chiă uănh jêh ri ma sưng hađăch păng mra dơi đăp mpăn tă bơh Brah Yêhôva mro mrăng.”

I Phung Hađăch 2:45

Ƀiălah hađăch Salômôn mra geh nau ueh uĭn, jêh ri sưng hađăch Đavit mra dơi njêng nâp tanăp măt Brah Yêhôva kŏ tât ƀaƀơ n'ho ro.”

II Phung Hađăch 11:12

Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

Nau Mprơ Ơm 119:175

Ăn huêng gâp gŭ rêh gay tâm rnê ma May; Ăn lĕ nau vay May ƀư kơl an gâp.

Nau Mprơ Ơm 119:77

Ăn nau May yô̆ nđach văch ma gâp gay ma gâp dơi rêh, Yorlah gâp rŏng kơnh ma nau vay May.

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Nau Mprơ Ơm 91:16

Gâp mra ăn păng hơm mpay rêh jŏ Jêh ri ntĭm ma păng saơ nau Gâp tâm rklaih.

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.