Nau Mprơ Ơm 21:13 - Nau Brah Ndu Ngơi 2023

¹³ Ơ Brah Yêhôva, ăn May geh nau yơk tâm nau ktang May! Pôri hên mra mprơ jêh ri tâm rnê ma nau brah May.

Nau Mprơ Ơm 21:13 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Ndrom Samƀŭt bơh Yôp 9:19

Tơlah ngơi ma nau dăng ktang, Păng jêng Nơm Geh Lĕ Nau Brah! Tơlah ngơi ma nau di, mbu nơm janh phong Păng?

Nau Mprơ Ơm 113:5

Mbu nơm jêng tâm ban Yêhôva Brah Ndu he? Nơm gŭ tâm ntŭk klơ lơn,

Nau Mprơ Ơm 18:46

Brah Yêhôva gŭ rêh mro mrăng! Lŭ Toyh khư ma gâp mât ton tâm rnê! Dăn Brah Ndu nau tâm rklaih gâp geh nau yơk!

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 57:11

Ơ Brah Ndu, ăn May geh nau yơk prêh lĕ ndâr trôk. Ăn nau chrêk rmah May geh nau ang lam tâm neh ntu!

Nau Mprơ Ơm 57:5

Ơ Brah Ndu, ăn May geh nau yơk prêh lĕ ndâr trôk; Ăn nau chrêk rmah May geh nau ang lam tâm neh ntu!

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Nau Tâm Mpơl 11:17

jêh ri lah pô aơ: “Ơ Kôranh Brah, jêng Brah Ndu Geh Lĕ Nau Brah, NƠM AɃAƠ AƠ JÊH RI GEH JÊH, Hên lah ueh ma May yorlah May djôt jêh nau dơi dŭt prêh, Jêh ri chiă uănh jêh.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”