Nau Mprơ Ơm 20:8 - Nau Brah Ndu Ngơi 2023

⁸ Lĕ bunuyh rnơm nsing ma seh jêh ri ma ndeh bu mra n'glưh lơi jêh ri prah, Bi ma he mra dâk jêh ri dâk sŏng.

Nau Mprơ Ơm 20:8 ပူးပေါင်းရင်းမြစ်များ

II Phung Hađăch 19:23

May prơh jêh phung mbơh hăn gay mưch rmot ma Kôranh Brah. May lah: “Ma âk ir ndeh seh, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban; Gâp mra kăl lĕ tơm si Sêdar prêh lơn, Jêh ri lĕ tơm si chiprơ dŭt ueh lơn; Gâp mra tât ta ntŭk ngai, Tâm krŏng tơm si dŭt pŭm.

II Nau Rêh Jêng 14:10

Y-Asa jă hăn tâm lơh jêh ri nkrĭp dăp tahan tâm rlŭng Sêphatha dăch ta Marêsa.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Nau Mprơ Ơm 124:8

Nau kơl an ma he gŭ tâm amoh Brah Yêhôva, Jêng Nơm rhăk njêng trôk jêh ri neh ntu.

Nau Mprơ Ơm 125:1

Phung rnơm nsing ma Brah Yêhôva jêng nâm bu yôk Siôn, Mâu n'gơ n'găr ôh ƀiălah gŭ n'ho ro.

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 33:17

Rnơm ma seh gay dơi rklaih jêng dơm dam, Nau rnam păng dơi mâu lĕ dơi tâm rklaih ma du huê bunuyh.

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Yôsuê 11:4

Phung hađăch nây djôt leo lĕ rngôch phung tahan hăn tâm lơh, jêng du phung tahan âk ngăn tâm ban ma choih ta kơh dak mƀŭt nđâp ma seh jêh ri ndeh seh âk ngăn.

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.

I Samuel 17:45

Y-Đavit lah ma bu klâu Philistin: “May văch ma gâp ma đao, tak, jêh ri tak keng. Bi gâp, gâp hăn ma may tâm amoh Brah Yêhôva ma phung tahan, jêng Brah Ndu ma phung tahan Israel may hŏ rlong nuih jêh.