Nau Mprơ Ơm 20:7 - Nau Brah Ndu Ngơi 2023

⁷ Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 20:7 ပူးပေါင်းရင်းမြစ်များ

II Samuel 10:18

Ƀiălah phung Siri nchuăt du panăp phung Israel. Y-Đavit ƀư rai pơh rhiăng ndeh seh phung tahan Aram jêh ri puăn rmưn nuyh tahan ncho seh. Ta nây, hađăch nkhĭt đŏng Y-Sôbach, kôranh chiă uănh ma phung tahan khân păng.

II Samuel 8:4

Y-Đavit nhŭp du rbăn pơh rhiăng phung tahan ncho seh jêh ri bar rmưn tahan hăn jâng bơh hađăch Sôba jêh ri sreh jâng jon lĕ rngôch seh uih ndeh, knŏng om tŏng du rhiăng bôk ndeh dơm.

II Nau Rêh Jêng 13:16

Phung Israel nchuăt du đah phung Yuđa, jêh ri Brah Ndu jao khân păng tâm ti phung Yuđa.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Nau Mprơ Ơm 28:8

Brah Yêhôva jêng nau ktang ma ƀon lan Păng. Jêng pôih tâm rklaih ma nơm Păng tŏ dak ƀâu kah.

Nau Mprơ Ơm 45:17

Gâp mra ăn amoh may dơi kah gĭt tâm lĕ rnôk; Yor nây, phung mpôl băl bunuyh mra tâm rnê lah ueh ma may ƀaƀơ n'ho ro.

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Yêrêmi 17:5

Brah Yêhôva lah: “Di ma rak rtăp ăn ma nơm nsing ma kon bunuyh, Sŏk nau nglay săk ƀư tur ti, Nuih n'hâm nkhah du bơh Brah Yêhôva.

I Samuel 13:5

Rnôk nây, phung Philistin tâm rƀŭn rgum gay tâm lơh đah phung Israel. Khân păng geh pe rmưn ndeh seh, prao rbăn nuyh tahan ncho seh, jêh ri phung tahan âk ngăn nâm bu choih ta kơh dak mƀŭt. Khân păng hăn hao ƀư pôih tahan ta Mikmas, mpeh luh nar Bet-Aven.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”