Nau Mprơ Ơm 20:3 - Nau Brah Ndu Ngơi 2023

³ Ăn Păng kah gĭt ma lĕ rngôch ndơ may nhhơr, Jêh ri maak dơn lĕ ndơ may ƀư brah gŭch! (Sêla)

Nau Mprơ Ơm 20:3 ပူးပေါင်းရင်းမြစ်များ

Nau Ntơm 4:4

Bi Y-Abel nhhơr biăp deh dak bôk tâm mpôl păng jêng ndơ dŭt kah. Brah Yêhôva dơn Y-Abel jêh ri ndơ păng nhhơr,

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

Nau Mprơ Ơm 128:5

Dăn Brah Yêhôva tă bơh Siôn ăn nau ueh uĭn ma may; Ăn lôch nau rêh păng Dơi saơ nau ndrŏng ma ƀon Yêrusalem.

Nau Mprơ Ơm 134:3

Dăn ma Brah Yêhôva jêng Nơm rhăk njêng trôk jêh ri neh ntu, Tă bơh Siôn ăn nau ueh uĭn ma may!

Nau Mprơ Ơm 51:19

Aƀaơ aơ, May mra maak lĕ ndơ ƀư brah sŏng srăng, Ndrel lĕ rngôch ndơ ƀư brah gŭch jêh ri mpa ƀư brah. Jêh nây bu mra nhhơr ndrôk nkuăng ta nơng ƀư brah May.

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.