Nau Mprơ Ơm 2:9 - Nau Brah Ndu Ngơi 2023

⁹ Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 2:9 ပူးပေါင်းရင်းမြစ်များ

Nau Mprơ Ơm 89:23

Gâp mra nchah hăch phung rlăng păng tanăp păng. Jêh ri ăt ƀư cha lôt phung tâm rmot ma păng.

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Yêrêmi 19:11

jêh ri lah ma khân păng pô aơ Brah Yêhôva ma phung tahan lah: ‘Gâp mra dong nchah phung ƀon lan aơ jêh ri ƀon aơ nâm bu dong du mlâm yăng neh uk, mâu hôm dơi tâm njĭr tay đŏng ôh. Bu mra tâp ta Tôphet kŏ tât mâu hôm geh ntŭk tâp đŏng ôh.’

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 2:45

Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Mathay 21:44

Mbu nơm prah jŭr ta klơ lŭ nây mra nchah rai, ƀiălah lŭ aơ tŭp di tâm mbu nơm mra rchiăt hăch bunuyh nây.”

Nau Tâm Mpơl 12:5

Bu ur deh du huê kon bu klâu; kon bu klâu nây mra dŏng du mlâm mâng loih chiă uănh lĕ rngôch phung mpôl băl. Ƀiălah bu chông kon păng hao tât Brah Ndu, tât ma sưng hađăch Păng.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.