Nau Mprơ Ơm 2:6 - Nau Brah Ndu Ngơi 2023

⁶ Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 2:6 ပူးပေါင်းရင်းမြစ်များ

Nau Mprơ Ơm 45:6

Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

Nau Mprơ Ơm 89:27

Gâp mra ăn păng ƀư kon bu klâu bôk rah Gâp. Jêng hađăch klơ lơn ma phung hađăch ta neh ntu.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Êsêkiêl 17:22

Kôranh Brah Yêhôva lah: ‘Gâp nơm mra sŏk chiông tơm si sêdar prêh klơ jêh ri Gâp mra tăm. Ta ntŭk dăch dŭt n'gĭng păng, Gâp mra nkê̆ch lơi du nkeh nse jêh ri Gâp nơm mra tăm păng ta yôk dŭt prêh klơ.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 14:1

Gâp uănh, ri, Kon Biăp dâk ta klơ yôk Siôn ndrel ma du rhiăng puăn jât ma puăn rbăn nuyh geh amoh Kon Biăp jêh ri amoh Mbơ̆ Kon Biăp nchih ta ndăr kleng khân păng nơm.