Nau Mprơ Ơm 2:10 - Nau Brah Ndu Ngơi 2023

¹⁰ Pônây yơh ơ phung hađăch, ăn khân may geh nau blau mĭn! Ơ phung kôranh phat dôih neh ntu, iăt hom nau mbơh!

Nau Mprơ Ơm 2:10 ပူးပေါင်းရင်းမြစ်များ

Nau Mprơ Ơm 45:12

Kon bu ur ƀon Tyre mra văch djôt ndơ nhhơr Jêh ri phung ndrŏng lơn tâm ƀon lan mra văch dăn nau yô̆ ay.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Yêrêmi 6:8

Hơi Yêrusalem, iăt hom nau ntăm, Lah mâu Gâp mra dĭl chalơi may, Ƀư ăn may jêng rngot njăp, Neh may mâu hôm bunuyh gŭ.”

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Sakari 14:17

Tâm lĕ phung mpôl băl bunuyh ta neh ntu, mbu nơm phung mâu văch tât ôh ma ƀon Yêrusalem gay yơk mbah panăp măt Hađăch, jêng Brah Yêhôva ma phung tahan, pôri mâu mra geh ôh dak mih ma khân păng.