Nau Mprơ Ơm 19:9 - Nau Brah Ndu Ngơi 2023

⁹ Nau klach yơk ma Brah Yêhôva jêng kloh rsang, Hôm gŭ tât n'ho ro; Lĕ nau vay ƀư Brah Yêhôva jêng nau ngăn. Lĕ rngôch jêng sŏng srăng.

Nau Mprơ Ơm 19:9 ပူးပေါင်းရင်းမြစ်များ

Nau Ntơm 22:12

Tông mpăr lah: “Lơi ƀư nau mhĭk kon se nây jêh ri kŏ mâu đŏng ƀư du ntil nau ma păng. Aƀaơ aơ, Gâp gĭt ngăn may klach yơk ngăn ngên ma Brah Ndu, yorlah may mâu nhhuach ôh kon nguay may ma Gâp, nđâp lah knŏng du huê nây dơm.”

Nau Ntơm 42:18

Tât nar tal pe, Y-Yôsep lah ma khân păng: “Yorlah gâp klach yơk ma Brah Ndu, lah khân may ŭch rêh ăn khân may ƀư hom kơt aơ.

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Nau Mprơ Ơm 119:1

Ueh maak yơh phung mâu hôm geh bu dơi nduyh tâm trong khân păng, Phung hăn tĭng nau vay Brah Yêhôva.

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 119:111

Nau May ntĭnh jêng drăp ndơn ma gâp ƀaƀơ, Yorlah khân păng jêng nau maak ma nuih n'hâm gâp.

Nau Mprơ Ơm 119:142

Nau sŏng srăng May jêng nau sŏng srăng n'ho ro. Nau vay May jêng nau nanê̆ ngăn.

Nau Mprơ Ơm 119:39

Sŏk lơi tă bơh gâp nau bêk gâp klach, Yorlah nau vay ƀư bơh May jêng ueh.

Nau Mprơ Ơm 119:62

Ta klong măng, gâp mra dâk gay tâm rnê lah ueh ma May, Yor lĕ nau vay ƀư bơh May jêng sŏng srăng.

Nau Mprơ Ơm 119:7

Dôl gâp nti nau May phat dôih sŏng srăng Gâp mra tâm rnê ma May ma nuih n'hâm n'hêl nanê̆.

Nau Mprơ Ơm 119:75

Ơ Brah Yêhôva, gâp gĭt nau May phat dôih jêng sŏng srăng Jêh ri ma nau răp jăp May ăn jêh gâp rêh ni.

Nau Mprơ Ơm 12:7

Ơ Brah Yêhôva, May nơm yơh mra chiă uănh phung rêh ni; May king n'gang khân păng tă bơh rnôk aơ.

Nau Mprơ Ơm 147:19

Păng tâm mpơl nau Păng ngơi ma Yakôb, Nau vay dăp jêh ri nau vay Păng ƀư ma phung Israel.

Nau Mprơ Ơm 36:1

Nau tih phung mhĭk lah tâm nuih n'hâm pô aơ, Mâu geh nau klach yơk ma Brah Ndu ôh.

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Ngluh Êjipt 21:1

Aơ jêng lĕ nau vay ăn may mbơh nkoch ma phung ƀon lan:

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:2

He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn.

Nau Vay Nkah Tay 4:8

Mbu ndŭl mpôl toyh dơi geh lĕ nau vay dăp jêh ri lĕ nau vay ƀư sŏng nâm bu lĕ rngôch nau vay nar aơ gâp tâm mpơl tanăp măt khân may?

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Nau Tâm Mpơl 16:7

Jêh nây gâp tăng bâr tă bơh nơng ƀư brah lah pô aơ: “N'hêl nanê̆ ngăn, ơ Kôranh Brah jêng Brah Ndu Geh Lĕ Nau Brah, Lĕ nau May phat dôih jêng nanê̆ ngăn jêh ri sŏng.”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!