Nau Mprơ Ơm 19:8 - Nau Brah Ndu Ngơi 2023

⁸ Nau vay Brah Yêhôva jêng sŏng, Ƀư ăn nuih n'hâm răm maak; Nau vay ntăm bơh Brah Yêhôva jêng kloh, Ƀư ăn ang măt ang nuih n'hâm.

Nau Mprơ Ơm 19:8 ပူးပေါင်းရင်းမြစ်များ

Nau Ntơm 26:5

yor Y-Abraham hŏ tông jêh bâr Gâp, djôt prăp lĕ nau Gâp ntĭm nti, nđâp ma lĕ nau vay ntăm, nau vay dăp jêh ri nau vay bơh Gâp.”

II Phung Hađăch 17:37

Lĕ nau vay dăp, lĕ nau vay ƀư jêh ri nau vay jêh ri nau vay ntăm, Păng hŏ nchih jêh ma khân may, ăn khân may djôt prăp ƀaƀơ. Khân may lơi klach ma lĕ brah êng ôh.

Nêhêmi 8:12

Lĕ rngôch ƀon lan hăn sông sa nhêt jêh ri njuăl kô̆ ndơ sa ma bunuyh mâu geh. Khân păng sông sa tâm nau răm maak ngăn, yorlah khân păng gĭt rbăng jêh lĕ nau ngơi bu hŏ ntĭm nti jêh ma khân păng.

Nêhêmi 9:13

Kôranh Brah jŭr ta klơ yôk Sinai, Tă bơh trôk Kôranh Brah hŏ ngơi jêh ma khân păng. Kôranh Brah ăn nau vay ƀư jêh ri nau vay di jêh ri sŏng srăng; Lĕ nau vay dăp ueh jêh ri nau vay ntăm ueh.

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 111:7

Kan ti Păng jêng nau răp jăp jêh ri nau sŏng srăng; Lĕ nau vay bơh ntăm Păng khư rnơm ngăn,

Nau Mprơ Ơm 119:105

Nau May Ngơi jêng ŭnh kađen njŭn leo jâng gâp, Nau ang ma trong gâp.

Nau Mprơ Ơm 119:12

Ơ Brah Yêhôva, tâm rnê ma May. Sâm nti an gâp lĕ nau vay Kôranh Brah ntăm!

Nau Mprơ Ơm 119:121

Gâp ƀư jêh nau di jêh ri nau sŏng srăng; Lơi ta jao gâp ma phung tŭn jot gâp.

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 119:14

Gâp maak tâm trong May hŏ ntĭnh jêh, Rlau lơn nau maak dơn lĕ nau ndrŏng.

Nau Mprơ Ơm 119:143

Nđâp lah nau uh ah jêh ri nau rngot tât ta gâp, Gâp ăt rŏng ma lĕ nau vay May ntăm.

Nau Mprơ Ơm 119:16

Gâp maak tâm nau vay dăp May Mâu mra chuêl ôh nau May ngơi.

Nau Mprơ Ơm 119:171

Ăn mbung gâp bêng ler nau tâm rnê, Yorlah May sâm nti gâp lĕ nau vay May dăp.

Nau Mprơ Ơm 119:24

Lĕ nau ntĭnh bơh May jêng nau gâp rŏng, Khân păng jêng phung nchŏng an trong ma gâp.

Nau Mprơ Ơm 119:40

Gâp ŭch rŏng âk ngăn ma lĕ nau May ntăm! Dăn ƀư ăn gâp gŭ rêh tâm nau sŏng srăng May.

Nau Mprơ Ơm 119:54

Nau vay dăp bơh May jêng nau gâp mprơ, Tâm nau rêh gâp jêng bu năch.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Mprơ Ơm 119:92

Tơlah nau vay May mâu jêng nau gâp rŏng Pôri gâp rai lôch jêh tâm nau rêh ni.

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Mprơ Ơm 93:5

Ơ Brah Yêhôva, nau May ntĭnh jêng n'hêl nanê̆ ngăn, Nau kloh ueh jêng khư Ma ngih May tât n'ho ro.

Nau Ngluh Êjipt 18:16

Ăp tơ̆ khân păng geh nau, khân păng văch ta gâp jêh ri gâp phat dôih nơm aơ đah nơm ri, jêh ri ăn khân păng gĭt nau vay dăp jêh ri nau vay Brah Ndu.”

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Nau Hôr 30:5

Lĕ nau Brah Ndu Ngơi dơi geh nau rlong da dê; Păng jêng khêl ma bunuyh rnơm nsing tâm Păng.

Nau Hôr 6:23

Yorlah nau vay ntăm jêng ŭnh kađen, nau vay jêng nau ang, Jêh ri nau nduyh lah ntĭm nti jêng trong hăn ma nau rêh,

Êsai 64:5

May vơt dơn nơm pah kan sŏng srăng ma nau răm, Phung hăn tâm trong May jêh ri kah gĭt ma May. Aơ, May ji nuih jêh yorlah hên hŏ ƀư tih; Gŭ jŏ tâm nau tih kơt nĕ hên hôm geh nau tâm rklaih lĕ?

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 7:7

Pônây mâm ƀư he mra lah? Nau vay jêng nau tih lĕ? Mâu! Mâu di tâm ban pônây ôh! Ƀiălah tơlah mâu geh nau vay gâp mâu gĭt năl nau tih. Tơlah nau vay mâu lah: “Lơi may kơnh ir” pôri gâp mâu hŏ gĭt năl moh nau kơnh ir ôh.

Galati 2:19

Yorlah ma nau vay yơh, gâp khĭt jêh ma nau vay nây gay gŭ rêh ma Brah Ndu.

Galati 3:21

Kơt nây nau vay tâm rdâng đah nau Brah Ndu ton lĕ ƀơh? Mâu di ôh! Yorlah tơlah nau vay dơi mbơh djôt leo ăn nau rêh, nanê̆ nau sŏng luh tă bơh nau vay nây.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.