Nau Mprơ Ơm 19:14 - Nau Brah Ndu Ngơi 2023

¹⁴ Ơ Brah Yêhôva jêng Lŭ Toyh jêh ri Nơm Tâm Chuai gâp, Ăn bâr mbung nau gâp ngơi, Jêh ri nau mĭn rvê tâm nuih n'hâm gâp tĭng mĭn ueh May ŭch!

Nau Mprơ Ơm 19:14 ပူးပေါင်းရင်းမြစ်များ

Ndrom Samƀŭt bơh Yôp 19:25

Bi gâp, gâp gĭt Nơm Tâm Chuai gâp hôm e rêh. Tât nglĕ dŭt Păng mra dâk ta neh ntu.

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 119:108

Ơ Brah Yêhôva, dăn May dơn ndơ ƀư brah gâp nơm ŭch nhhơr ma May ma nau mprơ tâm rnê bơh gâp, Jêh ri sâm nti gâp nau vay ƀư bơh May.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 11:4

Yor ma nau chroh, Y-Abel nhhơr jêh ma Brah Ndu du mpa ƀư brah ueh lơn ma Y-Kain, jêh ri păng geh nau mbơh jêng sŏng srăng nôk Brah Ndu dơn jêh ndơ nhhơr nây. Tă bơh nĕ đŏng, nđâp tơlah khĭt jêh, păng ăt hôm ngơi.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,