Nau Mprơ Ơm 18:9 - Nau Brah Ndu Ngơi 2023

⁹ Păng rklêng trôk jêh ri jŭr gŭ; Tâm dâng jâng Păng geh ndâr tŭk krăk mbâl.

Nau Mprơ Ơm 18:9 ပူးပေါင်းရင်းမြစ်များ

II Samuel 22:10

Păng n'glưh lơi trôk jêh ri jŭr gŭ; Tâm dâng jâng Păng geh ndâr tŭk krăk mbâl.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Mprơ Ơm 97:3

Ŭnh mpăr tanăp Păng Jêh ri su lĕ rngôch phung rlăng văr jŭm Păng.

Nau Ngluh Êjipt 19:18

Lĕ yôk Sinai bêng ma nhhŭk ŭnh, yor Brah Yêhôva gŭ tâm nklang ŭnh jêh ri jŭr ta nây. Nhhŭk ŭnh hao leo klơ nâm bu nhhŭk ŭnh bơh ŭnh năk toyh, jêh ri lĕ yôk nây n'gơ dăng ngăn.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Markôs 15:33

Klăp lah nklang bôk nar, nau ngo klĕng nkŭm lam neh ntu tât pe mông mhaơ.

Yôhan 13:7

Brah Yêsu lah: “Aƀaơ, may ê hŏ gĭt rbăng ôh nau Gâp ƀư, ƀiălah nar kăndơ̆ may mra gĭt rbăng.”

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

ហេឞ្រើ 12:26

Dôl nây bâr Nơm nây ngơi mpât n'gơ neh ntu, ƀiălah aƀaơ aơ Păng ton pô aơ: “Hôm du tơ̆ đŏng, Gâp mâu mra knŏng ƀư n'găr neh ntu dơm ôh, ƀiălah mra ƀư n'găr trôk đŏng.”

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.