Nau Mprơ Ơm 18:8 - Nau Brah Ndu Ngơi 2023

⁸ Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Mprơ Ơm 18:8 ပူးပေါင်းရင်းမြစ်များ

Nau Ntơm 19:28

Păng uănh mpeh ma Sôdôm jêh ri Gômôrơ, jêh ri lam n'gor neh lâng, păng saơ nhhŭk ŭnh bơh neh hao klơ tâm ban ma nhhŭk du mlâm ŭnh năk toyh ngăn.

Ndrom Samƀŭt bơh Yôp 41:19

Chiông hăr mâu dơi ƀư ma păng nchuăt du ôh; Na lŭ pănh ta păng knŏng nâm bu lâk mpăr.

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

Nau Tâm Mpơl 11:5

Tơlah mbu nơm ŭch ƀư mhĭk ma bar hê bunuyh aơ, ri mơ ŭnh luh tă bơh trôm mbung khân păng mra su lơi phung rlăng khân păng; mbu nơm ŭch ƀư mhĭk ma khân păng, bunuyh nây mra khĭt tâm ban pônây.