Nau Mprơ Ơm 18:50 - Nau Brah Ndu Ngơi 2023

⁵⁰ Kôranh Brah ăn ma hađăch Păng lĕ nau dơi toyh, Jêh ri Păng ăn nau ueh lăng ma nơm Păng tŏ jêh dak ƀâu kah, Nây jêng Y-Đavit jêh ri ma noi deh păng kŏ tât lĕ rngôch rnôk n'ho ro.

Nau Mprơ Ơm 18:50 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

I Nau Rêh Jêng 17:27

Aƀaơ aơ, dăn ma Kôranh Brah ăn nau ueh uĭn ma nau oh mon May chiă uănh dơi gŭ ƀaƀơ n'ho ro tanăp may; yorlah, hơi Brah Yêhôva, lah May ăn nau ueh uĭn nau nây mra geh tât ƀaƀơ n'ho ro.”

Nau Mprơ Ơm 132:10

Yor Đavit jêng oh mon May, Lơi dun ôh ma nơm May tŏ dak ƀâu kah.

Nau Mprơ Ơm 144:10

May hŏ rklaih jêh ma phung hađăch, Jêh ri rklaih Y-Đavit, oh mon May, bơh đao ƀư rai.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 57:10

Yorlah nau ueh Kôranh Brah prêh tât ta klơ trôk, Nau răp jăp May prêh tât ta ndâr tŭk.

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Samƀŭt Pôl Njuăl Ăn Ma Phung Nsing Ta Ƀon Rôm 1:3

Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”