Nau Mprơ Ơm 18:3 - Nau Brah Ndu Ngơi 2023

³ Brah Yêhôva khư ma bu tâm rnê, Gâp kuăl mbơh sơm ma Păng, Jêh ri dơi rklaih jêh tă bơh lĕ phung rlăng đah gâp.

Nau Mprơ Ơm 18:3 ပူးပေါင်းရင်းမြစ်များ

II Samuel 22:4

Gâp mra vơh vơl ma Brah Yêhôva, Nơm khư ma bu tâm rnê; Jêh ri gâp mra dơi rklaih jêh tă bơh lĕ phung rlăng đah gâp.

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 144:1

Tâm rnê ma Brah Yêhôva jêng Lŭ Toyh ma gâp! May nti an ti gâp tâm lơh, sâm nti nglau ti gâp tâm lơh.

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 3:4

Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 31:4

Dăn Kôranh Brah đŏt lơi gâp bơh nhuăl khân păng hŏ nthăng jêh, Yorlah May jêng ntŭk gâp gŭ krap.

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 55:16

Ƀiălah gâp mra kuăl mbơh sơm dăn ma Brah Ndu, Jêh ri Brah Yêhôva mra rklaih gâp.

Nau Mprơ Ơm 62:3

Ndah jŏ khân may hăn lơh ma du huê bunuyh? Lĕ rngôch khân păng tâm rgum gay ma lơh rlâm bu Nâm bu mpir ngih nkêng, tâm ban pêr bơi ma cha lôt lĕ?

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 71:3

Dăn May ƀư lŭ toyh ăn ma gâp gŭ krap Ăn jêng ntŭk gâp dơi lăp ta nây ƀaƀơ; Dăn May ntrŭnh nau ntăm tâm rklaih gâp Yorlah May jêng lŭ toyh ngăn jêh ri pôih nâp gâp.

Nau Mprơ Ơm 76:4

May chrêk rmah, geh nau rnam ngăn Plơ̆ sĭt bơh phung yôk ndơ bu sŏk pit.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Nau Mprơ Ơm 96:4

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Luka 1:71

Nau rklaih he bơh phung rlăng, Jêh ri bơh ti lĕ rngôch bunuyh tâm rmot đah he.

Kôranh Oh Mon 2:21

Jêh ri mbu nơm kuăl dăn amoh Kôranh Brah mra dơi rklaih.’

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”