Nau Mprơ Ơm 18:23 - Nau Brah Ndu Ngơi 2023

²³ Gâp gŭ ueh nŭm rĭng tanăp Păng Jêh ri prăp gâp nơm rklaih bơh nau mhĭk.

Nau Mprơ Ơm 18:23 ပူးပေါင်းရင်းမြစ်များ

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 119:30

Gâp săch jêh trong nau nanê̆ ngăn, Dơm nau vay ƀư bơh May tanăp gâp.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 37:27

Der hom nau mhĭk jêh ri ƀư nau ueh Pôri may mra rêh n'ho ro.

I Samuel 26:23

Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.