Nau Mprơ Ơm 18:21 - Nau Brah Ndu Ngơi 2023

²¹ Yorlah gâp djôt prăp lĕ trong ndô̆ Brah Yêhôva, Mâu ƀư nau mhĭk jêh ri mâu chalơi Brah Ndu gâp.

Nau Mprơ Ơm 18:21 ပူးပေါင်းရင်းမြစ်များ

II Nau Rêh Jêng 20:32

Păng hăn tĭng trong mbơ̆ păng jêng Y-Asa, mâu teng bơh trong nây ôh jêh ri ƀư nau ueh tanăp măt Brah Yêhôva.

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

Nau Mprơ Ơm 119:102

Gâp mâu teng bơh lĕ nau vay May ntăm ôh, Yorlah May hŏ sâm nti jêh gâp.

Nau Mprơ Ơm 17:4

Bi ma nau kan phung bunuyh, Gâp rnơm ma nau Kôranh Brah lah gay ma prăp ma gâp nơm Tă bơh trong phung janh ktang.

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Daniel 6:23

Hađăch dŭt maak ngăn jêh ri đă bu chông Y-Daniel hao bơh trôm ntu yau mŭr. Pôri Y-Daniel du luh tă bơh ntŭk nây, jêh ri ta săk jăn păng mâu geh sôt ôh yorlah păng rnơm nsing ma Brah Ndu păng.

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.