Nau Mprơ Ơm 18:2 - Nau Brah Ndu Ngơi 2023

² Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 18:2 ပူးပေါင်းရင်းမြစ်များ

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

Nau Mprơ Ơm 116:1

Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

Nau Mprơ Ơm 132:17

Ta nây, Gâp mra ăn nke Đavit chăt hao; Gâp ndrăp jêh du mlâm ŭnh kađen ma nơm Gâp troch jêh dak ngi.

Nau Mprơ Ơm 144:2

May jêng Nơm geh nau ueh jêh ri pôih nâp ma gâp, Jêng ntŭk gâp krap jêh ri Nơm tâm rklaih gâp, Jêng khêl ma gâp jêh ri ntŭk gâp gŭ krap; May ƀư ăn phung mpôl băl lăp gŭ tâm dâng gâp.

Nau Mprơ Ơm 19:14

Ơ Brah Yêhôva jêng Lŭ Toyh jêh ri Nơm Tâm Chuai gâp, Ăn bâr mbung nau gâp ngơi, Jêh ri nau mĭn rvê tâm nuih n'hâm gâp tĭng mĭn ueh May ŭch!

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 59:11

Ơ Kôranh Brah, jêng khêl ma hên! Lơi ta nkhĭt ro ma khân păng, klach lah phung ƀon lan May gơnh chuêl nau May yô̆; Sŏk hom nau brah May ƀư ma khân păng du pru pra Jêh ri ƀư rai khân păng.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:7

Nau tâm rklaih jêh ri nau chrêk rmah gâp gŭ tâm Brah Ndu; Păng jêng lŭ toyh ma gâp, ntŭk gâp gŭ krap.

Nau Mprơ Ơm 75:10

Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Nau Mprơ Ơm 91:4

Păng mra sŏk rsau Păng king n'gang may Jêh ri may mra du krap tâm dâng năr Păng; Nau răp jăp Păng jêng khêl toyh jêh ri khêl jê̆ may.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 2:7

Păng prăp nau blau mĭn nanê̆ ma bunuyh sŏng; Păng jêng khêl ma phung rêh tâm nau sŏng,

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

ហេឞ្រើ 2:13

Păng lah đŏng: “Gâp mra rnơm nsing ma Kôranh Brah.” Jêh Păng lah đŏng: “Ta aơ, Gâp ndrel ma phung kon Brah Ndu ăn jêh ma Gâp.”