Nau Mprơ Ơm 18:15 - Nau Brah Ndu Ngơi 2023

¹⁵ Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 18:15 ပူးပေါင်းရင်းမြစ်များ

II Samuel 22:16

Yor tă bơh nau Brah Yêhôva nduyh Jêh ri yor n'hâm nsôr luh tă bơh trôm muh Păng, Blat dak mƀŭt mpơl jêh, Mbon neh ntu lĕ mpơl đŏng.

II Phung Hađăch 19:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng.’”

Ndrom Samƀŭt bơh Yôp 36:32

Păng pôn lơp nglaih tâm ti, Ntăm ma păng ntŭk ntrâng mra lơh.

Ndrom Samƀŭt bơh Yôp 4:9

Yor n'hâm nsôr bơh Brah Ndu, khân păng geh nau khĭt roh; Yor nau Păng ji nuih, khân păng geh nau rai lôch.

Nau Mprơ Ơm 104:5

Păng njêng rplay neh ta klơ lĕ ntur Păng; N'ho ro păng mâu mra geh mpât n'gơ ôh.

Nau Mprơ Ơm 106:9

Păng buay ma Dak Mƀŭt Chăng, păng suăt sơh kro; Păng njŭn khân păng rgăn dak mƀŭt jru nâm bu rgăn bri rdah.

Nau Mprơ Ơm 144:6

Dăn May ƀư nglaih lơp, gay nchah rai lơi phung rlăng, Dăn May pănh hăr, ƀư ăn rung răng khân păng.

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 76:6

Ơ Brah Ndu Yakôb, Tơlah May nduyh lah, seh nđâp ma phung ncho seh prah khĭt da dê.

Nau Mprơ Ơm 77:18

Nteh nglaih May rdah gŭ tâm sial hĭt; Lơp nglaih nchrat tâm neh ntu; Neh ntu n'găr jêh ri nsâr.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Ngluh Êjipt 15:8

N'hâm nsôr tă bơh trôm muh May ƀư rgum dak, Dĭng lĕ n'hong dak rŭn n'hao ndâk nâm bu pêr; Dak jru jêng dăng tâm dâng dak mƀŭt.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Yêrêmi 31:37

Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Yônais 2:6

Dak văch nkŭm jŭm gâp kŏ tât huêng gâp; Brŏng jru gŭ jŭm gâp puăn mpeh; Mbrĭng dak lĕ put bôk gâp.

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.

I Samuel 7:10

Dôl Y-Samuel nhhơr ndơ ƀư brah gŭch, phung Philistin văch dăch ŭch tâm lơh đah phung Israel. Ƀiălah tâm nar nây Brah Yêhôva ƀư ăn lơp nglaih dah ƀhing ƀhing ma phung Philistin, ƀư ma khân păng uh ah, jêh ri khân păng roh nau dơi ta tra năp phung Israel.