Nau Mprơ Ơm 18:13 - Nau Brah Ndu Ngơi 2023

¹³ Brah Yêhôva mpơl lơp nglaih ta klơ lĕ ndâr trôk, Bâr Nơm Dŭt Prêh nteh huy ngăn, Ta nklang mih tŭp pler jêh ri lĕ lơp nglaih nchrat ŭnh.

Nau Mprơ Ơm 18:13 ပူးပေါင်းရင်းမြစ်များ

Ndrom Samƀŭt bơh Yôp 40:9

Rnôk nây, Gâp mra tâm rnê ma may Pônây ma ti may nơm djôt nau dơi tâm lơh ăn ma may nơm!”

Nau Mprơ Ơm 104:7

Ƀiălah tơlah May nduyh, dak nchuăt du ro; Tăng nteh nglaih May, dak gơnh du ngai.

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Mprơ Ơm 140:10

Ăn sa ônh rnga nkhŭt ta klơ khân păng! Ăn bu klŭp khân păng tâm ŭnh, Tâm ntu jru, ta nây khân păng mâu hôm dơi dâk ôh!

Nau Mprơ Ơm 78:48

Păng jao mpa rong khân păng ma mih pler, Jao phung biăp khân păng ma nglaih.

Nau Ngluh Êjipt 20:18

Nôk lĕ rngôch phung ƀon lan saơ nglaih lơp jêh ri tăng bâr nŭng jêh ri yôk luh nhhŭk ŭnh, phung ƀon lan râm sâr jêh ri dâk gŭ ngai.

Nau Ngluh Êjipt 9:24

Mih tŭp pler, tâm rlŭk nđâp ma lơp ŭnh nchrat ral jêng gưl mih tŭp pler dŭt krit kir ê hŏ prot geh ôh ntơm bơh nar Êjipt ndâk bri dak kŏ tât aƀaơ.

Êsêkiêl 10:5

Nteh rpuh nting năr chêrubim bu tăng kŏ tât ta nkual nhuang padih nâm bu bâr Brah Ndu Geh Lĕ Nau Brah tơlah Păng lah.

Habakuk 3:5

Nau ji tưp hăn panăp Păng, Nau mhĭk tât tĭng êp jâng Păng chuat.

Yôhan 12:29

Phung gŭ dăch ta nây tăng nau ngơi nây, khân păng lah: “Ri jêng nteh n'gôr nglaih”. Ƀaƀă đŏng lah: “Nây jêng du tông mpăr ngơi đah Păng.”

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.

Nau Tâm Mpơl 4:5

Tă bơh sưng hađăch nây luh lơp nglaih, bâr ngơi jêh ri nglaih; geh pơh ŭnh kađen hit ang tanăp sưng hađăch, nây jêng pơh huêng Brah Ndu.

Nau Tâm Mpơl 8:5

Jêh nây tông mpăr sŏk khăl ndơ ƀâu kah, sŏk bêng ma ŭnh bơh nơng ƀư brah jêh ri klŭp păng ta neh ntu, geh lĕ nteh nglaih, nau ngơi, lĕ lơp nglaih jêh ri nau n'găr neh.

I Samuel 7:10

Dôl Y-Samuel nhhơr ndơ ƀư brah gŭch, phung Philistin văch dăch ŭch tâm lơh đah phung Israel. Ƀiălah tâm nar nây Brah Yêhôva ƀư ăn lơp nglaih dah ƀhing ƀhing ma phung Philistin, ƀư ma khân păng uh ah, jêh ri khân păng roh nau dơi ta tra năp phung Israel.