Nau Mprơ Ơm 18:12 - Nau Brah Ndu Ngơi 2023

¹² Tă bơh nau ang chrêk rmah panăp Păng, Rgăn lĕ ndâr tŭk ngo mbâl, Geh mih pler jêh ri lĕ lơp nglaih hit ŭnh.

Nau Mprơ Ơm 18:12 ပူးပေါင်းရင်းမြစ်များ

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Ngluh Êjipt 19:9

Brah Yêhôva lah: “Aơ, Gâp mra hăn ma may tâm ndâr tŭk mbâl, gay tơlah Gâp ntăm ma may, phung ƀon lan tăng jêh ri rnơm ma may du njăr rêh.” Nôk Y-Môis djôt nau ƀon lan mbơh tay ma Brah Yêhôva,

Êsai 50:3

Gâp sâm nsoh lĕ ndâr trôk ma nau ngo, Jêh ri ăn ƀau jêng ndơ nkŭm păng.”

Mathay 17:2

Păng rgâl săk jăn tanăp khân păng: muh măt Păng ral ang nâm bu ang nar ao Păng jêng nglang nâm bu nau ang.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.