Nau Mprơ Ơm 17:7 - Nau Brah Ndu Ngơi 2023

⁷ Ơ Nơm tâm rklaih mbu nơm gŭ nde krap tâm ti ma May, Klaih bơh phung rlăng khân păng, Dăn tâm mpơl nau ueh khlay ngăn ngên May.

Nau Mprơ Ơm 17:7 ပူးပေါင်းရင်းမြစ်များ

II Phung Hađăch 19:22

Ma mbu nơm may mưch rmot jêh ri ngơi djơh tât? Ma mbu nơm may nter Jêh ri n'gơr măt ma nau sưr tâm rdâng? Janh tâm rdâng đah Nơm Kloh Ueh phung Israel!

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Nau Mprơ Ơm 20:6

Abaơ gâp gĭt Brah Yêhôva tâm rklaih nơm Păng troch dak ngi; Tă bơh trôk ntŭk kloh ueh Păng mra plơ̆ lah nau hađăch mbơh sơm Ma nau brah tâm rklaih bơh ti ma Păng.

Nau Mprơ Ơm 31:21

Mât ton tâm rnê ma Brah Yêhôva Yorlah Păng hŏ tâm mpơl jêh nuih n'hâm ueh khlay ma gâp Tơlah bu nchueng gâp tâm ƀon.

Nau Mprơ Ơm 31:22

Tâm nau uh ah gâp lah pô aơ: “Bu nkhĭt roh gâp tanăp măt May.” Ƀiălah tơlah gâp kuăl mbơh sơm ma May, May tăng nau gâp dăn.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 60:5

Gay ma nơm May rŏng dơi geh nau tâm rklaih. Dăn May mplơ̆ lah nau hên dăn jêh ri sŏk ti ma May tâm rklaih hên.

Nau Mprơ Ơm 78:12

Tâm n'gor Êjipt, tâm bri Sôan. Păng ƀư lĕ nau mbên khlay tanăp phung chô yau khân păng.

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!