Nau Mprơ Ơm 17:15 - Nau Brah Ndu Ngơi 2023

¹⁵ Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 17:15 ပူးပေါင်းရင်းမြစ်များ

Ndrom Samƀŭt bơh Yôp 14:12

Kon bunuyh hŏ khĭt jêh mâu hôm dâk đŏng ôh, Lah trôk nđôch hôm ta nây, khân păng mâu đŏng kah rngăl, Jêh ri mâu geh ôh bunuyh rlay khân păng bơh nau lêt bê̆ch.

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 119:111

Nau May ntĭnh jêng drăp ndơn ma gâp ƀaƀơ, Yorlah khân păng jêng nau maak ma nuih n'hâm gâp.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 49:14

Khân păng jŭr tâm ƀon phung khĭt nâm bu phung biăp; Nau khĭt mra mât njrăng khân păng Ơm ôi, phung sŏng mra jot sôt khân păng. Săk jăn khân păng bu mra ƀư rai lơi. Ƀon phung khĭt jêng ntŭk khân păng gŭ.

Nau Mprơ Ơm 5:7

Bi ma gâp, yor nau ueh Kôranh Brah âk ngăn, Gâp mra lăp tâm ngih Kôranh Brah, Gâp mra sŏk nau klach yơk Ma nau yơk mbah tanăp ngih brah kloh ueh May.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Yêrêmi 31:26

Nôk nây, gâp kah rngăl jêh ri uănh jŭm, nau gâp bê̆ch đăp mpăn ngăn.

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.