Nau Mprơ Ơm 16:6 - Nau Brah Ndu Ngơi 2023

⁶ Nkual neh gâp tŭp tâm ntŭk neh ueh; Gâp dơi geh drăp ndơn ueh ngăn.

Nau Mprơ Ơm 16:6 ပူးပေါင်းရင်းမြစ်များ

Nau Mprơ Ơm 61:6

May mra ntop năm ma hađăch rêh jŏ năm; Năm khay păng gŭ n'ho ro tâm lĕ rngôch rnôk.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.