Nau Mprơ Ơm 16:5 - Nau Brah Ndu Ngơi 2023

⁵ Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

Nau Mprơ Ơm 16:5 ပူးပေါင်းရင်းမြစ်များ

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Mprơ Ơm 116:13

Gâp mra sŏk kachok nau tâm rklaih Jêh ri kuăl mbơh sơm ma amoh Brah Yêhôva.

Nau Mprơ Ơm 119:57

Brah Yêhôva jêng drăp ndơn ma gâp; Gâp ton mra djôt prăp nau May ngơi.

Nau Mprơ Ơm 125:3

Yorlah mâng hađăch nau ƀai Mâu mra gŭ n'gân ôh ta klơ drăp ndơn phung sŏng srăng, Gay ma phung sŏng srăng mâu yơr ti Lăp pah kan nau mhĭk.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Mprơ Ơm 73:26

Nglay săk jêh ri play nuih gâp mra roh rai, Ƀiălah Brah Ndu jêng nau ktang ma nuih n'hâm gâp; Jêh ri jêng ndơ ma gâp n'ho ro.

Nau Mprơ Ơm 89:4

‘Gâp mra njêng noi deh may mro mrăng, Jêh ri ndâk sưng hađăch nâp n'ho ro.’” (Sêla)

Nau Mprơ Ơm 9:4

Yorlah Kôranh Brah koh dŏng nau dơi geh di ma gâp; Kôranh Brah gŭ ta klơ sưng hađăch jêh ri phat dôih ma nau sŏng.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Nau Nhĭm Vơl 3:24

Gâp lah êng, “Brah Yêhôva jêng drăp ndơn ma gâp, Yor nây gâp kâp gân ta Păng.”

Kôranh Oh Mon 2:32

Brah Ndu hŏ ƀư ăn Brah Yêsu aơ dâk rêh tay; lĕ rngôch phung hên jêng nơm mbơh ma nau nây.

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Nau Vay Nkah Tay 18:2

Khân păng mâu mra geh drăp ndơn ôh ta nklang phung oh nâu khân păng; Brah Yêhôva nơm jêng drăp ndơn ma khân păng, tĭng nâm Păng hŏ lah jêh.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Yôsuê 22:25

Hơi phung Ruben, phung Gat, Brah Yêhôva dơm jêh dak krong Yurdan jêng n'har vah vang hên đah khân may, khân may mâu geh du kô̆ tâm Brah Yêhôva!’ Pônây phung kon sau khân may mra ƀư phung kon sau hên mâu thoi đŏng nau klach yơk ma Brah Yêhôva.

Yôsuê 22:27

ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’