Nau Mprơ Ơm 15:5 - Nau Brah Ndu Ngơi 2023

⁵ Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.

Nau Mprơ Ơm 15:5 ပူးပေါင်းရင်းမြစ်များ

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 112:6

Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

Nau Mprơ Ơm 16:8

Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Nau Ngluh Êjipt 22:24

Nau ji nuih Gâp mra hit, jêh ri gâp mra nkhĭt khân may ma đao; ur khân may mra jêng bu ur ndrô jêh ri phung kon khân may mra jêng kon đơi.

Nau Ngluh Êjipt 22:25

Tơlah khân may ăn phung o ach tâm phung ƀon lan Gâp manh prăk, lơi ƀư ôh ma khân păng nâm bu nơm tơm geh rnon, jêh ri khân may mâu đŏng dơi sa kao ma khân păng.

Nau Hôr 10:30

Phung sŏng srăng mâu mra n'gơ ôh, Ƀiălah phung djơh mhĭk mâu dơi gŭ chăm bri ôh.

Nau Hôr 12:3

Kon bunuyh mâu jêng nâp ôh yor nau djơh mhĭk, Ƀiălah tơm reh ma phung sŏng srăng bu mâu geh n'gơ ôh.

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsêkiêl 18:17

rhuăt ti mâu ƀư mhĭk ôh ma phung o ach, mâu sa kao mâu lah n'hao prăk sa kao, ƀiălah djôt prăp nau vay ƀư bơh Gâp jêh ri djôt tĭng nau vay dăp Gâp, pôri du huê kon nây mâu mra khĭt ôh yor nau djơh mhĭk mbơ̆ păng, n'hêl nanê̆ păng mra rêh.

Êsêkiêl 18:27

Tơlah du huê bunuyh mhĭk chalơi lĕ nau mhĭk păng hŏ ƀư jêh ri păng ƀư tĭng nau sŏng nau di pôri păng mra tâm rklaih huêng păng nơm.

Êsêkiêl 18:8

mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Mathay 26:15

jêh ri lah pô aơ: “Moh ndơ khân may ŭch ăn ma gâp tơlah gâp jao Păng ma khân may?” Khân păng ăn ma păng pe jât rêl prăk.

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Nau Vay Nkah Tay 23:21

Lah khân may ƀư du nau ton ma Yêhôva Brah Ndu khân may, lơi ta khân may ƀư mbrĕ mbrơi yorlah Yêhôva Brah Ndu nanê̆ mra ôp nau nây ta khân may, jêh ri khân may mra geh nau tih.

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”