Nau Mprơ Ơm 149:3 - Nau Brah Ndu Ngơi 2023

³ Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 149:3 ပူးပေါင်းရင်းမြစ်များ

II Samuel 6:14

Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

II Samuel 6:16

Ƀiălah tơlah Hip Nau Tâm Rnglăp Brah Yêhôva lăp tâm ƀon Đavit, H'Mikal kon bu ur Y-Sôl, n'gơr uănh ta mpông bloh saơ Đavit pâl ntalơ̆ tanăp Brah Yêhôva, tâm trôm nuih n'hâm păng mưch ma hađăch.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 25:6

Lĕ rngôch phung nây gŭ tâm dâng nau dơi mât uănh mbơ̆ khân păng gay ƀư kan mprơ tâm ngih Brah Yêhôva ma rgu dang nteh ăn huy, gong rêng jêh ri gong rêng loih, gay pah kan tâm ngih Brah Ndu. Y-Asap, Y-Jêduthun, jêh ri Y-Hêman gŭ tâm dâng nau dơi hađăch.

II Nau Rêh Jêng 20:28

Khân păng sĭt ma ƀon Yêrusalem jêh ri tât ta ngih Brah Yêhôva tâm bâr gong rêng, uh n'hôm jêh ri bâr nŭng.

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

Êsra 3:10

Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Mprơ Ơm 33:2

Dŏng gong rêng mprơ tâm rnê hom ma Brah Yêhôva; Dŏng gong rêng loih jât rse mprơ tâm rnê hom ma Păng!

Nau Mprơ Ơm 81:2

Sŏk hom ma bâr mprơ jêh ri goh gâr jê̆, Kreh gong rêng găl jêh ri uh rlet.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Mprơ Ơm 87:7

Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Phung Kôranh Phat Dôih 11:34

Y-Jêptê plơ̆ sĭt tay ma ngih păng ta Mispa, jêh ri aơ, kon bu ur păng djôt leo gâr jê̆ jêh ri pâl ntalơ̆ tâm mâp păng. Bu ur jêng kon bu ur păng, padih bu ur nây mâu hôm geh ôh kon bu ur mâu lah kon bu klâu êng đŏng.