Nau Mprơ Ơm 148:8 - Nau Brah Ndu Ngơi 2023

⁸ Hơi ŭnh jêh ri mih pler, dak pler jêh ri n'hôl dak, Sial jêh ri phŭt ktang, tông hom bâr Păng ntăm.

Nau Mprơ Ơm 148:8 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Ndrom Samƀŭt bơh Yôp 37:12

Tŭk mpăr ndăch ăp ntŭk tĭng nau Păng njŭn leo, Gay ƀư ăn lôch lĕ nau kan Păng ntăm Lam lĕ rngôch ntŭk ta klơ neh.

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 18:12

Tă bơh nau ang chrêk rmah panăp Păng, Rgăn lĕ ndâr tŭk ngo mbâl, Geh mih pler jêh ri lĕ lơp nglaih hit ŭnh.

Nau Ngluh Êjipt 10:13

Pôri Y-Môis yơr mâng jra leo ta n'gor Êjipt. Brah Yêhôva njŭn leo sial tă pa lơ khôm ta n'gor nây tâm du nar măng; tât ôi taơ, sial tă pa lơ leo krah văch.

Nau Ngluh Êjipt 10:19

Brah Yêhôva leo sial tă pa dâng dăng ngăn khôm lơi krah jêh ri ăn khân păng tŭp tâm Dak Mƀŭt Chăng. Lam n'gor Êjipt mâu hôm geh ôh du mlâm krah.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yôel 2:30

Gâp mra ăn tâm mpơl lĕ nau mbên khlay ta klơ trôk jêh ri ta neh ntu, Jêng mham, ŭnh, jêh ri lĕ n'gâng nhhŭk ŭnh.

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 7:4

Kôranh Brah Yêhôva tâm mpơl ma gâp pô aơ: Aơ, Kôranh Brah Yêhôva njuăl nau phat dôih ma ŭnh; păng ƀư suăt kro ntu jru jêh ri sa rvăn lĕ neh.

Yônais 1:4

Ƀiălah Brah Yêhôva njêng phŭt toyh ta klơ dak mƀŭt jêh ri phŭt chuănh tât ta dak mƀŭt ƀư du mlâm kumpăn bơi chah rai.

Yônais 1:5

Phung ƀĭt kumpăn klach da dê, ăp nơm kuăl ma brah khân păng nơm. Jêh ri khân păng mƀăr lơi ndô ndơ tâm kumpăn tâm dak mƀŭt gay ma n'gơch kumpăn. Ƀiălah Y-Yôna trŭnh hăn jêh tâm trôm blat kumpăn lâng săk jêh ri hăk bê̆ch.

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.