Nau Mprơ Ơm 148:7 - Nau Brah Ndu Ngơi 2023

⁷ Hơi phung mpa bri toyh tâm dak rlai jêh ri lĕ rngôch brŏng jru tâm neh, Tâm rnê hom ma Brah Yêhôva.

Nau Mprơ Ơm 148:7 ပူးပေါင်းရင်းမြစ်များ

Nau Ntơm 1:21

Brah Ndu rhăk njêng lĕ ntil ka toyh, lĕ ntil mpa rêh tâm dak, tĭng nâm ntil gay deh kon bĭk rơ̆ tâm dak, jêh ri lĕ ntil sĭm geh năr mpăr tĭng nâm ntil. Brah Ndu saơ nau nây jêng ueh.

I Phung Hađăch 13:28

Păng hăn ro jêh ri saơ săk jăn khĭt ta trong, geh seh bri jêh ri yau mŭr gŭ grem êp meng săk jăn khĭt. Yau mŭr mâu sa hêk săk jăn khĭt jêh ri mâu kăp đŏng seh bri nây.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.