Nau Mprơ Ơm 148:5 - Nau Brah Ndu Ngơi 2023

⁵ Lĕ rngôch ndơ tâm rnê ma amoh Brah Yêhôva, Yorlah Păng ntăm jêh, lĕ rngôch dơi rhăk njêng da dê.

Nau Mprơ Ơm 148:5 ပူးပေါင်းရင်းမြစ်များ

Nau Ntơm 1:6

Brah Ndu lah: “Ăn geh du ntŭk đôr ta nklang n'gul dak gay ma tâm nkhah dak đah dak.”

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 95:5

Dak Mƀŭt jêng ndơ Păng yorlah Păng njêng jêh dak mƀŭt nây; Bi ma neh sơh yor ti Păng yơh ƀư.

Amôt 9:6

Kôranh Brah hŏ ndâk jrô Păng tâm lĕ ndâr trôk, Jêh ri ndâk rvang Păng ta klơ neh. Păng kuăl dak mƀŭt Jêh ri nkhŭt ta klơ neh. Amoh Păng jêng Brah Yêhôva.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”