14 Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.
Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.
Ơ Brah Yêhôva, lĕ rngôch kan May mra tâm rnê ma May; Lĕ phung răp jăp đah May mra tâm rnê ma May.
Gay ƀư ma khân păng nau phat dôih bu nchih jêh. Nĕ jêng nau chrêk rmah phung kloh ueh! Halêluya!
Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.
Yorlah May nơm yơh jêng nau chrêk rmah ma nau ktang khân păng; Yor ma nau yô̆ May yơh, nke hên mra dơi n'gơr hao prêh.
Yorlah Brah Yêhôva jêng khêl ma hên, Nơm kloh ueh Israel jêng Hađăch hên.
Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.
Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.
Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.
Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”
Ƀiălah tâm Brah Yêsu Krist, khân may jêng phung kăl e ri gŭ ngai, aƀaơ aơ khân may gŭ dăch jêh yor mham Brah Krist.
Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.
Pônây, khân may mâu hôm jêng phung bu năch ôh mâu lĕ jêng bunuyh gŭ njưh đŏng, ƀiălah jêng phung ƀon ndrel ma phung kloh ueh jêh ri jêng phung bunuyh tâm rnăk vâl Brah Ndu;
Păng jêng Nơm khân may tâm rnê. Păng jêng Brah Ndu khân may, jêng Nơm hŏ ƀư jêh ma khân may lĕ nau kan toyh jêh ri klach krit măt khân may hŏ saơ jêh.
Yorlah mbu phung ƀon lan toyh geh du brah gŭ dăch khân păng tâm ban ma Yêhôva Brah Ndu gŭ dăch he ăp tơ̆ he kuăl mbơh sơm ma păng?
Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.
Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.