Nau Mprơ Ơm 148:13 - Nau Brah Ndu Ngơi 2023

¹³ Ăn lĕ rngôch ndơ tâm rnê ma amoh Yêhôva! Yorlah knŏng amoh Păng yơh khư yơk mbah! Nau chrêk rmah Păng ta klơ lơn ma neh ntu jêh ri ma lĕ ndâr trôk.

Nau Mprơ Ơm 148:13 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Nau Mprơ Ơm 108:4

Yorlah nuih n'hâm ueh Kôranh Brah dŭt toyh lơn ma lĕ ndâr trôk, Nau răp jăp ngăn May prêh tât ta ndâr tŭk.

Nau Mprơ Ơm 113:4

Lĕ bri dak bu mra n'hao ma Brah Yêhôva. Nau chrêk rmah Păng prêh lơn ma lĕ ndâr trôk.

Nau Mprơ Ơm 150:6

Ăn lĕ rngôch mpa geh n'hâm nsôr, Tâm rnê ma Brah Yêhôva! Halêluya!

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 8:1

Ơ Brah Yêhôva jêng Kôranh Brah hên, Amoh Kôranh Brah lư tâm lam neh ntu hâu ngăn! Nau rnam Păng rlau lĕ ndâr trôk!

Nau Mprơ Ơm 8:2

Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

Nau Mprơ Ơm 8:9

Ơ Brah Yêhôva jêng Kôranh Brah hên, Amoh May lư lam klơ neh ntu hâu ngăn!

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 5:9

Hơi bu ur ueh rlau lơn tâm lĕ phung bu ur, Nơm ay rŏng geh ndơ rlau nơm êng đŏng? Nơm ay rŏng geh ndơ rlau nơm êng Dĭng ay vơl dăn ma hên nâm bu pônây?

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Êsai 33:5

Brah Yêhôva geh nau yơk yorlah Păng gŭ tâm ntŭk prêh klơ. Păng ƀư ma Siôn bêng ma nau di jêh ri nau sŏng srăng.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Êphêsô 4:10

Nơm jŭr jêh jêng Nơm hao jêh lĕ ta klơ ma lĕ ndâr trôk gay ƀư bêng lĕ ntil ndơ.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.