Nau Mprơ Ơm 147:2 - Nau Brah Ndu Ngơi 2023

² Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Nau Mprơ Ơm 147:2 ပူးပေါင်းရင်းမြစ်များ

Nêhêmi 6:15

Pôri nar bar jât ma prăm, khay Êlul, mpêr ƀon lĕ lôch jêh, tâm prăm jât ma bar nar.

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Nêhêmi 7:4

Ƀon jêng huy ngăn, ƀiălah phung ƀon lan gŭ tâm ƀon hôm djê̆ jêh ri ngih vâl mhe ê-hŏ geh ndâk ôh.

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Êsai 62:7

Mâu lĕ ăn Păng rlu Kŏ tât nôk Păng ndâk njêng tay Yêrusalem, Jêh ri njêng păng jêng nau tâm rnê tâm lam neh ntu!

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Êsêkiêl 38:8

Âk nar pakơi, may mra sŏk dơn nau bu kuăl hăn tâm lơh. Tâm lĕ năm nglĕ dŭt, may mra hăn tâm lơh tâm du n'gor bu hŏ sâm rklaih jêh tă bơh đao, jêh ri phung ƀon lan păng tâm rgum âk mpôl băl bunuyh ma n'gor yôk Israel, jêng ntŭk rngot njăp lĕ roh rai bơh jŏ jêh. Bu hŏ njŭn khân păng sĭt tă bơh phung mpôl băl bunuyh jêh ri lĕ rngôch gŭ rêh đăp mpăn da dê.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Mika 4:6

Brah Yêhôva lah: “Tâm nar nây Gâp mra rgum bunuyh kuet, Rgum tay bunuyh bu hŏ mprơh du, Jêh ri phung Gâp hŏ ƀư rngot jêh.

Sakari 8:7

Brah Yêhôva ma phung tahan lah: “Aơ, Gâp mra tâm rklaih phung ƀon lan Gâp ntơm bơh mpeh luh nar n'ho tât mpeh nhâp nar.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.