Nau Mprơ Ơm 147:13 - Nau Brah Ndu Ngơi 2023

¹³ Yor Păng hŏ ƀư nâp jêh mâng nđăng mpông pêr may, Jêh ri ăn nau ueh uĭn ma phung kon may ta nklang may.

Nau Mprơ Ơm 147:13 ပူးပေါင်းရင်းမြစ်များ

Nêhêmi 12:30

Phung kôranh ƀư brah jêh ri phung Lêvi ƀư kloh khân păng nơm tâm ban đŏng ƀư kloh phung ƀon lan, mpông pêr, jêh ri mpêr ƀon.

Nêhêmi 6:1

Tơlah Y-Sanbalat, Y-Tôbia, Y-Gesem jêng bunuyh Arabi, jêh ri phung rlăng êng đŏng, khân păng tăng nau gâp hŏ rdâk nkra jêh mpêr ƀon jêh ri mâu hôm geh ntŭk bluh ôh (nđâp lah nôk nây gâp ê-hŏ ntrŭp seng mpông ta n'gâng pêr)

Nêhêmi 7:1

Lah mpêr ƀon hŏ nkra lôch jêh, gâp lĕ ntrŭp lĕ seng mpông jêh ri jao kan phung mât uănh mpông pêr, phung mprơ jêh ri phung Lêvi tâm kan pah khân păng.

Nêhêmi 7:3

Gâp lah ma khân păng, “Lơi ăn bu pơk mpông ƀon Yêrusalem tơlah hôm e duh nar, jêh ri ntĭl rnăng păng dôl phung gak mpông gŭ ta nây; jêh nây đŏng dơm bunuyh gak tă bơh phung gŭ tâm ƀon Yêrusalem, ăp nơm tâm rdơn tâm tra ntŭk ngih khân păng nơm.”

Nau Mprơ Ơm 125:2

Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

Nau Mprơ Ơm 144:12

Ăn phung kon bu klâu hên dôl mon ndăm Nâm bu tơm si luh chăt hon dăng ktang; Ăn phung kon bu ur hên jêng nâm bu meh n'gâng, Trah mon tĭng rup ngih hađăch.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Yêrêmi 33:10

Brah Yêhôva lah: ‘Tâm ntŭk aơ jêng ntŭk khân may lah: “Nây jêng ntŭk rngol, mâu hôm geh bunuyh, mpô mpa ăt mâu geh lĕ;” tâm lĕ rngôch ƀon n'gor Yuđa jêh ri tâm trong ƀon toyh Yêrusalem, nây jêng rngol jêh, mâu geh bunuyh, mâu geh ƀon lan gŭ, mpô mpa ăt mâu geh lĕ,

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Nau Nhĭm Vơl 4:12

Phung hađăch gŭ ta neh ntu mâu iăt ôh, Lĕ rngôch ntil mpôl bunuyh ta neh ntu mâu ntôn, Phung rlăng jêh ri tahan phung rlăng mra hăn lăp Lĕ mpông ƀon Yêrusalem.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.