Nau Mprơ Ơm 146:8 - Nau Brah Ndu Ngơi 2023

⁸ Brah Yêhôva ăn phung chieh măt dơi lin; Brah Yêhôva kơl phung rdja nuih n'hâm; Brah Yêhôva rŏng ma phung sŏng srăng.

Nau Mprơ Ơm 146:8 ပူးပေါင်းရင်းမြစ်များ

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 145:14

Brah Yêhôva chông lĕ rngôch phung tŭp, Jêh ri Păng mphâk lĕ rngôch phung rdja nuih.

Nau Mprơ Ơm 147:6

Brah Yêhôva kâp kơl phung dêh rhêt, Ƀiălah lơh rlâm phung ƀai tŭp ta neh.

Êsai 35:5

Aƀaơ, măt phung chieh mra dơi saơ, Tôr phung tê̆k mra tăng.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 42:18

“Ơ phung tê̆k, gŭ iăt hom; Ơ phung chieh măt, uănh hom jêh ri saơ!

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 9:30

Măt khân păng dơi ang ro. Brah Yêsu buay dăng ngăn ma khân păng: “Njrăng hom, lơi ăn bunuyh êng gĭt ôh nau aơ.”

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Nau Vay Nkah Tay 33:3

Kôranh Brah rŏng ma phung ƀon lan Păng, Lĕ rngôch phung kloh ueh gŭ tâm ti Kôranh Brah, Mbah yơk tâm dâng jâng May Gay sŏk dơn nau ngơi May ntĭm nti jêh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.