Nau Mprơ Ơm 146:4 - Nau Brah Ndu Ngơi 2023

⁴ Lah tăch n'hâm, kon bunuyh plơ̆ sĭt ro ta ndruyh neh; Tâm nar nây yơh, lĕ nau păng ŭch ƀư rai lôch.

Nau Mprơ Ơm 146:4 ပူးပေါင်းရင်းမြစ်များ

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Ndrom Samƀŭt bơh Yôp 14:10

Ƀiălah kon bunuyh khĭt jêh ri lâng mâu mpât, Lah tăch n'hâm ntŭk khân păng tât?

Ndrom Samƀŭt bơh Yôp 14:21

Phung kon khân păng dơi geh nau yơk, khân păng kŏ mâu gĭt lĕ; Mâu lah khân păng bu mâu uănh geh, khân păng mâu gĭt lĕ.

Ndrom Samƀŭt bơh Yôp 17:1

“N'hâm gâp nsôr hŏ roh jêh, lĕ nar gâp hŏ lôch jêh, Môch blang gŭ kâp gâp!

Ndrom Samƀŭt bơh Yôp 17:11

Ăp nar gâp rlau lôch, nau gâp ndrăp mĭn roh hêng Nđâp ma lĕ nau gâp ŭch mĭn bơh nuih n'hâm.

Ndrom Samƀŭt bơh Yôp 27:3

Moh nar n'hâm nsôr hôm e tâm gâp, Jêh ri n'hâm rêh bơh Brah Ndu hôm gŭ tâm trôm muh gâp,

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 33:10

Brah Yêhôva ƀư rai nau lĕ bri dak ŭch ƀư mhĭk, Păng ƀư rai nau ŭch phung ƀon lan.

Nau Mprơ Ơm 90:3

May ăn kon bunuyh plơ̆ ma ndruyh neh Jêh ri lah pô aơ: “Ơ phung kon bunuyh, plơ̆ sĭt hom ma ndruyh neh.”

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 9:6

Nđâp ma nau rŏng, nau tâm rmot, Jêh ri nau mâu nach khân păng ăt roh rai da dê. Khân păng mâu hôm geh du kô̆ Tâm lĕ kan nau tât geh tâm dâng nar.

Êsai 2:22

Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

I Kôrintô 2:6

Nđâp lah kơt nĕ, đah phung bunuyh văch ma toyh, hên mbơh nkoch nau blau mĭn đŏng, ƀiălah mâu di nau blau mĭn tâm rnôk aơ ôh, mâu lĕ tă bơh phung kôranh chiă uănh tâm rnôk aơ, jêng phung bunuyh mra rlau lôch.