Nau Mprơ Ơm 145:6 - Nau Brah Ndu Ngơi 2023

⁶ Bu mra mbơh nau brah dŭh prêh khư klach ngăn bơh May, Jêh ri gâp mra nkoch bri ma nau dŭt toyh May.

Nau Mprơ Ơm 145:6 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Nau Mprơ Ơm 113:3

Bơh ntŭk nar luh tât ta nar nhâp, Tâm rnê hom ma amoh Brah Yêhôva!

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 22:31

Noi deh nây mra mbơh nau sŏng srăng Păng; Nkoch tay ma rơh kăndơ̆ pô aơ Brah Yêhôva hŏ ƀư jêh nau nây.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Nau Vay Nkah Tay 32:3

Yorlah gâp mra mbơh amoh Brah Yêhôva Tâm rnê nau rnam toyh bơh Brah Ndu he.