Nau Mprơ Ơm 145:4 - Nau Brah Ndu Ngơi 2023

⁴ Rơh bunuyh aơ tât rơh bunuyh ri mra tâm rnê ma kan May, Jêh ri mra mbơh lĕ nau kan brah May.

Nau Mprơ Ơm 145:4 ပူးပေါင်းရင်းမြစ်များ

Êsther 9:28

Ăn kah gĭt jêh ri prăp bar nar nây tâm ăp ndŭl mpôl, tâm ăp n'gor, tâm lĕ rngôch rô̆. Lĕ nar Purim aơ mâu mra dơi roh tâm phung Yuđa jêh ri nau rƀŭn ndray nây mâu roh ôh tâm phung kon sau khân păng.

Ndrom Samƀŭt bơh Yôp 8:10

Khân păng mâu ntĭm may, mâu ngơi đah may, Mâu dŏng ôh nau ngơi di mâm dĭng khân păng gĭt rbăng?

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Nau Vay Nkah Tay 4:10

Kah gĭt hom ta nar khân may dâk tanăp Yêhôva Brah Ndu ta yôk Hôrep lah Brah Yêhôva lah ma gâp: ‘Rgum hom phung ƀon lan. Gâp mra ăn khân păng iăt nau Gâp ngơi gay dôl khân may hôm rêh ta neh ntu, khân păng nti klach yơk ma Gâp jêh ri dơi ntĭm nti tay nau nây ma phung kon khân păng.’

Nau Vay Nkah Tay 6:7

Ăn gơih ntĭm nti hom nau nây ma phung kon khân may, jêh ri nkah hom dôl khân may gŭ tâm vâl tâm ban ma nôk hăn trong, dôl khân may gŭ bê̆ch tâm ban ma nôk kah rngăl bê̆ch.