Nau Mprơ Ơm 145:21 - Nau Brah Ndu Ngơi 2023

²¹ Bâr mbung gâp mra mprơ tâm rnê ma Brah Yêhôva; Ăn lĕ rngôch nglay săk mât ton ma amoh kloh ueh Păng tât ƀaƀơ n'ho ro.

Nau Mprơ Ơm 145:21 ပူးပေါင်းရင်းမြစ်များ

Nau Mprơ Ơm 103:22

Ơ lĕ rngôch ndơ Brah Yêhôva njêng Lĕ rngôch ntŭk tâm dâng nau Păng chiă uănh, Mprơ tâm rnê hom ma Brah Yêhôva! Ơ huêng gâp, mât ton hom ma Brah Yêhôva!

Nau Mprơ Ơm 145:5

Gâp gŭ mĭn ma nau lit rnam, bêng nau chrêk rmah May, Jêh ri ma kan khlay May.

Nau Mprơ Ơm 150:6

Ăn lĕ rngôch mpa geh n'hâm nsôr, Tâm rnê ma Brah Yêhôva! Halêluya!

Nau Mprơ Ơm 30:12

Yor nây, huêng gâp mprơ tâm rnê ma Kôranh Brah jêh ri mâu gŭ rklăk ôh. Ơ Brah Yêhôva Brah Ndu gâp, gâp mra tâm rnê lah ueh ma May ƀaƀơ n'ho ro.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 65:2

Ơ Kôranh Brah jêng Nơm gŭ iăt nau mbơh sơm! Lĕ rngôch nglay săk mra văch ta May da dê.

Nau Mprơ Ơm 69:35

Yorlah Brah Ndu mra tâm rklaih Siôn Jêh ri rdâk njêng tay lĕ ƀon Yuđa. Ƀon lan Păng mra gŭ ta nây jêh ri khân păng mra pit sŏk păng.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Mprơ Ơm 71:8

Mbung gâp bêng nau tâm rnê ma May, Gâp vay mât ton May ăp nar.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 89:1

Gâp mra mprơ ƀaƀơ ma nau ueh Brah Yêhôva, Bâr mbung gâp mra mbơh nau răp jăp May bơh rnôk aơ tât rnôk ri.