Nau Mprơ Ơm 145:18 - Nau Brah Ndu Ngơi 2023

¹⁸ Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 145:18 ပူးပေါင်းရင်းမြစ်များ

Nau Mprơ Ơm 119:151

Ơ Brah Yêhôva, May gŭ dăch gâp ƀaƀơ, Jêh ri lĕ rngôch nau vay May ntăm jêng nau nanê̆ ngăn.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Nau Nhĭm Vơl 3:57

May hŏ văch jêh ma gâp dôl gâp mbơh sơm đah May, May hŏ lah jêh: ‘Lơi klach ôh!’

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 4:24

Brah Ndu jêng brah, mbu nơm ŭch yơk mbah ngăn ma Păng, ăn păng yơk mbah ma huêng jêh ri ma nau ngăn.”

Nau Vay Nkah Tay 4:7

Yorlah mbu phung ƀon lan toyh geh du brah gŭ dăch khân păng tâm ban ma Yêhôva Brah Ndu gŭ dăch he ăp tơ̆ he kuăl mbơh sơm ma păng?

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;