Nau Mprơ Ơm 145:17 - Nau Brah Ndu Ngơi 2023

¹⁷ Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Nau Mprơ Ơm 145:17 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

Ndrom Samƀŭt bơh Yôp 34:10

Yor nây, hơi phung gĭt rbăng, iăt hom nau gâp; Brah Ndu mâu mâp ôh ƀư nau djơh, Nơm Geh Lĕ Nau Brah mâu lĕ mâp ƀư tih.

Ndrom Samƀŭt bơh Yôp 34:12

N'hêl nanê̆ Brah Ndu mâu gŭ ngao ma nau djơh mhĭk ôh, Nơm Geh Lĕ Nau Brah mâu nkê̆ch ăn kue nau di.

Nau Mprơ Ơm 103:6

Brah Yêhôva ƀư nau sŏng srăng Jêh ri ƀư nau di ma lĕ rngôch phung bu tŭn jot.

Nau Mprơ Ơm 112:4

Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 116:5

Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 89:14

Nau sŏng srăng jêh ri nau di jêng ntur ma sưng hađăch May; Nau ueh jêh ri nau nanê̆ ngăn hăn tanăp May.

Nau Mprơ Ơm 97:2

Ndâr tŭk jêh ri nau ngo mbâl nchueng jŭm Păng, Nau sŏng srăng jêh ri nau di ƀư mbon ma sưng hađăch Păng.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Sôphôni 3:5

Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”