Nau Mprơ Ơm 145:12 - Nau Brah Ndu Ngơi 2023

¹² Gay tâm mpơl phung kon bunuyh gĭt năl nau kan brah May Jêh ri nau chrêk rmah hit rnam ƀon bri hađăch May.

Nau Mprơ Ơm 145:12 ပူးပေါင်းရင်းမြစ်များ

Nau Mprơ Ơm 105:1

Mprơ tâm rnê hom ma Brah Yêhôva jêh ri kuăl mbơh sơm ma amoh Păng! Mbơh hom nau kan Păng ta nklang phung mpôl băl bunuyh!

Nau Mprơ Ơm 105:5

Ơ noi deh Abraham jêng oh mon Păng, Ơ phung kon sau Y-Yakôb jêng phung Păng săch jêh! Ăn khân may kah gĭt nau kan khlay Păng ƀư jêh, Lĕ nau mbên khlay jêh ri nau phat dôih bơh bâr mbung Păng.

Nau Mprơ Ơm 106:2

Mbu dơi nkoch bri lĕ kan toyh Brah Yêhôva ƀư jêh, Mâu lah lĕ nau mprơ tâm rnê ma Păng?

Nau Mprơ Ơm 111:6

Păng hŏ tâm mpơl jêh ma phung ƀon lan Păng nau brah tâm kan Păng, Jêh ri ăn ma khân păng drăp ndơn bơh lĕ bri dak.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.