Nau Mprơ Ơm 145:10 - Nau Brah Ndu Ngơi 2023

¹⁰ Ơ Brah Yêhôva, lĕ rngôch kan May mra tâm rnê ma May; Lĕ phung răp jăp đah May mra tâm rnê ma May.

Nau Mprơ Ơm 145:10 ပူးပေါင်းရင်းမြစ်များ

Nau Mprơ Ơm 103:22

Ơ lĕ rngôch ndơ Brah Yêhôva njêng Lĕ rngôch ntŭk tâm dâng nau Păng chiă uănh, Mprơ tâm rnê hom ma Brah Yêhôva! Ơ huêng gâp, mât ton hom ma Brah Yêhôva!

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 149:5

Ăn phung kloh ueh Păng maak tâm nau chrêk rmah, Ăn khân păng mprơ maak ta sưng bê̆ch khân păng!

Nau Mprơ Ơm 19:1

Lĕ rngôch ndâr trôk mbơh nau chrêk rmah Brah Ndu. Trôk tâm mpơl kan ti Păng ƀư.

Nau Mprơ Ơm 22:23

Hơi phung klach yơk ma Brah Yêhôva, tâm rnê hom ma Păng! Hơi lĕ rngôch phung kon sau Yakôb, yơk mbah hom ma Păng! Hơi lĕ rngôch noi deh Israel, klach yơk hom ma Păng.

Nau Mprơ Ơm 30:4

Hơi phung kloh ueh Brah Yêhôva, mprơ tâm rnê hom ma Păng. Jêh ri tâm rnê lah ueh ma amoh kloh ueh Păng.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 57:9

Ơ Kôranh Brah, gâp mra tâm rnê lah ueh ma May tâm nklang phung ƀon lan, Mprơ tâm rnê May tâm lĕ bri dak.

Nau Mprơ Ơm 68:26

“Mât ton tâm rnê hom ma Brah Ndu tâm phung nau tâm rƀŭn, Mât ton hom ma Brah Yêhôva, hơi phung kon sau Israel,”

Nau Mprơ Ơm 69:35

Yorlah Brah Ndu mra tâm rklaih Siôn Jêh ri rdâk njêng tay lĕ ƀon Yuđa. Ƀon lan Păng mra gŭ ta nây jêh ri khân păng mra pit sŏk păng.

Nau Mprơ Ơm 97:12

Ơ phung sŏng srăng, maak hom tâm Brah Yêhôva! Jêh ri tâm rnê lah ueh tâm amoh kloh ueh Păng.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.