Nau Mprơ Ơm 144:4 - Nau Brah Ndu Ngơi 2023

⁴ Bunuyh jêng nâm bu n'hâm nsôr, Nau rêh bunuyh nâm bu gui mpăr rgăn.

Nau Mprơ Ơm 144:4 ပူးပေါင်းရင်းမြစ်များ

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Ndrom Samƀŭt bơh Yôp 4:19

N'hơn lah phung gŭ tâm chuanh neh uk, Ndâk njêng mbon klơ ndruyh neh, Bu jot plên nâm bu mpôl nchiăr reh!

Ndrom Samƀŭt bơh Yôp 8:9

Yorlah he mhe pơ deh yor ri mâu hŏ gĭt, Ăp nar he gŭ rêh ta neh ntu nâm bu du mlâm gui n'hâm dơm.

Nau Mprơ Ơm 102:11

Nar khay ngăch rlau nâm bu gui dăch roh, Nau rêh kro nâm bu kao gơ̆.

Nau Mprơ Ơm 109:23

Nau rêh gâp du hăn nâm bu gui kêng mhaơ. Bu ntrŭt gâp nâm bu krah.

Nau Mprơ Ơm 39:11

Tơlah May nduyh phung kon bunuyh yor djơh mhĭk, May ƀư roh lêk nau ueh păng nâm bu nchiăr bon: Nanê̆ nau rêh bunuyh jêng dơm dam! (Sêla)

Nau Mprơ Ơm 62:9

Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:2

Nơm nti ngơi: Nau dơm dam ma nau dơm dam, Nau dơm dam ma nau dơm dam! Lĕ rngôch dơm dam da dê.

Nơm Nti 12:8

Nơm nti lah: “Dơm dam ma nau dơm dam, Lĕ rngôch jêng dơm dam da dê!”

Nơm Nti 8:13

Ƀiălah phung mhĭk mâu mra dơi geh nau ueh uĭn, ăt mâu mra rêh jŏ ôh; nau rêh phung mhĭk rlau ngăch nâm bu gui yorlah khân păng mâu klach yơk ma Brah Ndu.